Chhunlawn Aurawl

Run sir anparsen lo parin,
Seifa tan mawina a chhuah a;
Chutin i ngaih puan ang mi ban.

Hlimzai vawra seih ve turin,
Chunga khuanu'n a duang che a;
Mah se, tapin i la leng fan!

Ziaktu hringnun derthawn vangin,
Natnain a chaih fo che a;
Engah nge hliamtu a ka tan?

Natna hlipa i kal hunin,
Lawilo mihring hi a ral ang;
Ruam thim thuka ka zal hunin,
Lenrual zingah i seih tawh ang.