Di

Chhawrthla a en zual lai khan,
Ngai tak chung chein ka ngai ngam lo che a;
Arkai den a liam hnu, a mang lam a pan lai hian,
Ngai em em chung chein ka thlir leh ta.

Thawm tin ri karah zawn ka nei a,
Ri hrang hrang hian i hming an lam emaw ka ti!
Rimawi mawina hrilh fiah dan ka thiam lo a,
Rimawi ber ka hriat chu i anka a ni si!

Mahlawngin run riang ka bel,
Awmhar tah zai rel ka nuam lo;
Mahse, lunglenna chuan mi hel,
Hnem thiam di ka ko.