I tan

Karah mual leh ruam inzamin,
I lenna vangkhua thlir thei lo mah i;
Leichhin zofa lenna i chuan chhung chuan,
Famrolungmual belh ka tum lo'ng!

Karhla hrui ang lo seiin,
I sumtual kai thei lo mah i;
Biahzai tuahkhawm a zam theih chhung chuan,
I tan ziahtial zeh zuk na'ng.

Zantiang hera chhawrthla'n vanzawl lo mawiin,
Nang nen thlir dun thei lo mah i;
Zan lalnu'n mawina khuavel a pek chhung chuan;
I tan vanzawl ka thlir zel na'ng.