Hringnun zungpui peng ţhuam,
Liam hnu nunhlui hril hi,
Ban zai rel har ka ti;
Hril zel ang aw, K'u Ţhuam!
Liam hnu nunhlui hril hian,
Di hlui a ko kir lo,
Nghilh erawh a har fo;
I dawn chiang lo, Lunglian.
Ka hril liam tawh par chuan,
Vulin par chhuang mah se,
Dirin ka hel nem le;
Belh lai par i awm chuan.
Sel lai banga nghilhin,
Palchawi kan phawi tawh kha,
Phunin tung leh ila;
Hlimna vultir turin.
Hei ang ka chhiah biahzai,
Nawltui iang hnawl lo la;
Duhaisam lungrualna,
I tel lo chuan a dai.
Mawi tura vul a chul,
Chul tura par a vul.
09042015
0400ltp
No comments:
Post a Comment