Zan Chhepchher Pau Kara Riakmaw Mittui Far

Ka chhiah biahzai ziah tial,
Thinlai ril tuifim far,
A tlakna lei a ro.


Nun thawnthu kan ziah kha,
Hlutnain a chawih a,
Mawina chuan a chei a;
Parin a vul chiai a,
Mahse, par a tliak ta!


Hringzawl phul cham del kha,
Din khawvel ram reh a,
Suangtuahna rohlu kha,
Hriat loh ram ami kha,
Chulin, a bo zo ta!


Delh kilh anka chhiah kha,
Boruakah a ral ta!
Lamtluang zim kan zawh kha,
Chhui loin i peng a,
Lamtluang dang i zawh ta.


Nun hlui ngaih bang ila,
Nghilh zai rel tawh ila,
Nunhlui pau reh se la,
Liam tawh chu a liam a,
Thawnthu chu a tawp ta!



07022015
0927ltp