A Reh Zo Ta

Khawkkawr ri a reh a,
Thawm rimawi ber a bo;
Run sir siahthing thiang kha,
Hrangthli vangin a bo!


Lenkawl mawina a reh,
Mi chhiah hul lo luaithli;
Thinlung tuikhur a keh,
Putin ruamah a thi.


Remkhawm theih loh bel,
Kehsawm thinlung vawngtu;
Hluihlawn zai ka rel,
Demin mi sel lo u.


A ram, chawlhna Chhawlbuk,
Sirva'n thiangin an mawi;
Nunhlui changta'n mi hnuk,
Ngaite'n runah ka lawi.


Tahna hlimawm ka tawng,
Hahdamna hahthlak si;
Liam loin ka la vawng,
Thinlung lal i lo ni!


Nghilh tura kan duhin,
Thinlai a thual thar fo;
Turni leh nang ngaihin,
Liam an rel tak tak lo!


Kallai kham lo turin,
Au-in ko mah ila,
Mualpui a liam asin;
Thaltui iang ka nghak ta.


Khurtui a kang chat fo,
Hunin a chhilh hnuin,
Fimte'n a luang leh fo;
Ka nghak beiseinain.


Beiseina vai kawltu,
Chaua rum lo hnem u!



12022015
0450azl