Hlun ding awmlohna khawvelah hian,
Nang nen hlimna tam tak kan chhar a;
Hlimna tuifawn kan nuihpui lai khan,
Țahna thlipui tleh tur kan hmu lawk a.
Nghilh loh tur nunhlui dinin,
Nun thawnthu kan ziak a;
Engkim lo mawi thar lehin,
Thawnthu erawh a chuai ta.
Țahna thlipui a hrang zual a,
Hlimna hlimthla emaw i tih hian;
Khawharna ruama ka awm mi hliah a,
I hming a lam, nui hmel phena țap hian!
Engtikah emaw chuan rolung mual ka bel ang,
Nun thawnthu hlut chungin;
Hre reng țhin che hi ka liam ang,
I hming lam chungin.
Hringmi lenna ramah hian kan hlim fo,
Mah se nun thawnthu rukin ziah a ngai si;
Mawina par tak a chhuang thei lo,
Lawilonaa khat hi ka â zo ta a nih hi.
Ka hriatrengna hi a chhiat hma chuan,
I hming ka lam fo ang;
Ka suangtuah theihna hi a țhat chhung chuan,
Nang ka suangtuah fo ang.
Awmhar zantiang fimthli,
An run chhemin leng tawh;
'Cappy, i ngaiin a nul luaithli',
Tiin biahzai va hlan rawh.
Nang nen hlimna tam tak kan chhar a;
Hlimna tuifawn kan nuihpui lai khan,
Țahna thlipui tleh tur kan hmu lawk a.
Nghilh loh tur nunhlui dinin,
Nun thawnthu kan ziak a;
Engkim lo mawi thar lehin,
Thawnthu erawh a chuai ta.
Țahna thlipui a hrang zual a,
Hlimna hlimthla emaw i tih hian;
Khawharna ruama ka awm mi hliah a,
I hming a lam, nui hmel phena țap hian!
Engtikah emaw chuan rolung mual ka bel ang,
Nun thawnthu hlut chungin;
Hre reng țhin che hi ka liam ang,
I hming lam chungin.
Hringmi lenna ramah hian kan hlim fo,
Mah se nun thawnthu rukin ziah a ngai si;
Mawina par tak a chhuang thei lo,
Lawilonaa khat hi ka â zo ta a nih hi.
Ka hriatrengna hi a chhiat hma chuan,
I hming ka lam fo ang;
Ka suangtuah theihna hi a țhat chhung chuan,
Nang ka suangtuah fo ang.
Awmhar zantiang fimthli,
An run chhemin leng tawh;
'Cappy, i ngaiin a nul luaithli',
Tiin biahzai va hlan rawh.
No comments:
Post a Comment