Thuhma theh: A ngaihnawm zawng leh chhiartute duh zawng ang a ziah ka tum lo a, ka thiam dan ang tawkin ka sawi ang a, midang thil tawn nen ka chawhpawlh dawn lo bawk a, keima tawn (mumang) ka rawn sawngbawl mai mai dawn a ni. He ka mumang ( vawi hnih ka mang tawh.) hi ka ring kher lo a, a ni thei ang ngem? tih thilah ka rawn share ve hrim hrim dawn a ni. Ka mumang hmasa ka sawi dawn lo a, a chhan chu a vawi hnihna nen hian a thuhmun deuh reng vang a ni.
Ka mumang mak chu:
Kan naute In a thutthleng sei-ah chuan ka tlu zal a, zan hmasa lam ka mut meuh loh vangin ka mut pawh a chhuak ve hle a, khawlum bawk nen, ka thiannu nen chuan kan inbia (chat) a, rawn len a tum deuh avang chuan ka lo nghak rilru deuh a, ka mut a chhuak ngang a ni ang chu ka lo muhil a (Zel ang em em chuan ka awm lo a nia. ). Hetih hunlai hi Dar 2:30pm leh 3:50pm inkar vel a ni awm e.
Chutia ka mu ta chuan mumang ka lo nei a, hman a ka man tawh ang kha a ni a, ka awmna hmun chu khawi lai nge tih ka hre lo.
Ka mi hmuhte chu minung an ni tawh lo tih ka hria a, mahse hei vang hian an rapawm emaw an danglam tihna erawh a ni kher lo, mipangngai (damlai) ang vek an ni a, minung zingah an awm a ni.
Chutia ka din lai chuan in lian tak pakhat atang chuan ka hriat hnu ni ngeia ka hriat, kan chhungte lam ni awm tak nu, la thalai tak kum 30 atanga 35 inkar vel, ngo lam pang, thau lam chu ka dinna lamah chuan a rawn phei a, an pa ni awm tak chuan a hnungah a rawn zui bawk a (a pianzia leh a hmel ka sawi thei lo), mahse a ni chu ka hmu zui ta chuang lo, chu Nu chuan ka kut chu a rawn vuan a, a vawt dam thlap mai, hetih laia an mahni (an nupa) chanchin ka hriat chu an nupa chuan motor chetsualna ah an thi ni-in ka hria.
Ka kut vawnna thlah chuang lo chuan kan titi a, a tira kan thusawi chu sawi chhuah tur ka hre chuang lo! Zawhna tam tak ka nei a, ka zawt bawk a.
"Engvanga minung khawvel a awm ve nge in nih? Engtin nge in awm theih?" tiin ka zawt ta a, ani chuan ti hian min chhang a:
"Kan nun tha lo leh tling lo te siamtha tur-in, minung zingah hian kan awm a, hetia kan awm chhung hian kan nun hi siamthat kan tum a ni."
Chu chu thil theih a ni em ni?
Aw, a man (Pathian) hun min pe a, a phalna ang a awm kan ni,mahse tuar ve a ngai.!
Minung zing a awm tur hian maw tuar ngai a?
Aw ni e, in zing a awm turhian thil tuar chhuah ngai a awm a lawm.
Chu thil chu tuar a har viau em? Tuar zo lo an awm em?
Har e, har tak a ni, sawifiah dan a awm lo! A har vang hian tuar zo lo pawh an awm reng a ni.
A nih engtin nge in awm zel ang? Engtia rei nge in awm dawn?
Kan nun dan hi atha thei ang ber in kan hman a ngai a, a rei zawng leh a hun hi keinin kan hre lo a, Aman hun a tih hun chu kan hun tawp a ni mai.
Kan awmna thlang a in-ah chuan a lut a, kan chhungte in ngei ni-in ka hria a, ka lut ve nghal a, inchhungah chuan ka Nu te, Ka Ni te leh midang ka hmu hlawm a, mahse, ka mi ka hmuh erawh kha chu ka hmu ve lo. In chhung chu ka en kual a, mitthi an awma a ni tih hriat takin pangpar an lo tar fur a, kha ka biakte In kha a nih ka ring ta a.
Rei ka awm hma chuan ka chhuak leh a, minung zing atanga thlarau awm van lama chho hmuh ka nei a, mahse ka biak nu erawh ka hmu zui chuang lo! Ka hawi kual lai chuan ka phone a rawn ri a, ka harh ta hlawl a. Dar 3:45pm vel a lo ni tawh a.
Ka ngaihtuahna chu:
Thu tak tak ni lo mahse ka ngaihtuahna a luah hneh hle mai a, thlarau khawvel a awm te tan hian Pathian hian hun a siam sak em ni ang le? An sualna leh an nun tha lo te simna hun leh insiamthatna hun hi hawnsak ang ngem? Thlarau khawvel a mi te tan hian Zahngaihna a awm em ni ang le?
Dt Aizawl, Khatla.
On 4th.April.2013
No comments:
Post a Comment